ナカヨ食堂

营业中

休息中

谂到有排都唔洗再去鲗鱼涌，就会想黎食番碗劲既鱼生丼。之前差唔多食亲都三文鱼亲子，因为特别钟意食三文鱼籽。但系今次就一于食豪佢。我叫既其实系呢碗鱼生丼。其实海胆、吞拿鱼蓉、北寄贝我都系一般，但佢呢个丼胜在够丰富，咩都有d咁。除左上面三样，睇图就见到仲有带子、长脚蟹钳、三文鱼籽、甜蛋、三文鱼、果旧咁多筋应该系大Toro等等。新鲜就新鲜既，话哂喺百货公司入面，隔离就有货，又咁多人食。海胆贵，只有一啖仔，唔算系浓味既果d种。吞拿鱼蓉就还好，少少腥味就难免，可以俾多d调味。大Toro见个样就知多筋，不过果阵油香就冇得弹既。虾都唔细只，既爽，又有果种黏滑既口感，而且都几甜，唔错。其他野都几好，总括就系样样都有，食得开心。然后喺我叫呢个丼果阵，其实冇人，我都唔见边个位有讲话有野送。直到取餐既时候，我以为个餐唔系我既。四只大大只煮带子，仲有只烧大虾。好食就好食，但系饱到我😵。