曦

营业中

休息中

香港越黎越多高级鮨店，尤其哩两年出唔倒国，更加多人舍得食。㬢同其他鮨店好唔同，因为全店得一个$1800/人嘅套餐，而且完全冇简介有咩食，真真正正系厨师发办，会多左一份期待感。㬢店面唔大，围住寿司吧台大约可以坐倒12个食客，一贯浅木色设计，感觉舒服。墨鱼醋物 - 先黎一道开胃小菜，入面除左有墨鱼，仲有青瓜同紫菜，酸酸地非常开胃。广田湾生蚝 - 生蚝好大只饱满，海水味唔会太重，就咁加少少青柠汁食就得。真鲷 - 真鲷黎自爱媛县，师傅将佢薄切，中间再包住北海道马粪海胆，因为加左海胆，所以整个味道都好鲜甜。沙甸鱼矶边卷 - 矶边卷入面放左好多沙甸鱼，中间系芽葱，鱼味几重。北海道白象拔蚌 - 师傅喺象拔蚌上面落左岩盐同青柠，象拔蚌口感爽脆。濑尿虾 - 师傅将濑尿虾 烧到暖暖地，加左岩盐，所以可以唔洗蘸豉油，就咁用紫酥叶包住食，濑尿虾肉质软腍有弹性，紫酥叶味道比较强，我自己就钟意空口食多啲。等师傅上菜期间，都会食下啲配菜，食完师傅会再加，今次第一次见有芥菜头，食落有少少似炸菜。烧太刀鱼 - 似似地本地嘅牙带鱼，佢比较多油，食之前可以加青柠汁，等食落冇咁腻，如果唔够味先蘸酸汁食，我自己就钟意配酸汁食。