影片
更多
2024-08-09
52 浏览
通常放题嘅食物人感觉就系为咗平衡成本，食物质素相对会较低。今次揾到一间例外，就系阿爷八鲜锅，性价比超高嘅良心小店！里面嘅海鲜任点，其中仲包括高级食材，例如鲍鱼、扇贝、蛏子同埋肉蟹等，无限添加，极易回本，令到我都有啲怀疑人生到底点样经营到咁抵食嘅价钱～加多$20仲要可以任饮，有时打边炉食到有啲口渴，一晚真系饮三四罐嘢唔出奇，呢个top up 就啱晒。新推出嘅升级霸王海鲜盘更加系严选食材，呢个虽然冇得无限添加，但系居然有龙虾仲要有膏嘅，真系食一盘都心满意足。鲍鱼仲系识郁嘅，新鲜灼熟鲜味无穷。餐厅仲有抽奖游戏，幸运儿可以抽到避风塘炒蟹一份，大大只肉蟹够晒镬气，爆到好香口，同火锅无添加咁样煮熟各有千秋，都比较唔到边样好食啲。加多128仲有象拔蚌刺身任食，或者可以like 社交平台5-7:30pm时段获得免费象拔蚌刺身，优惠多到数唔晒！作为一个海鲜控，呢餐真系令我超兴奋，搞到少左提其他火锅配料。其实牛肉都好靓好嫩滑，虾滑同龙趸片等都好好味，连猪天梯呢啲比较少见嘅食材都有得点，种类繁多包罗万有。而且每台都包鸡煲一个，辣辣地调味一流。但系我最钟意嘅都系桥底炒辣蟹，龙虾同埋象拔蚌刺身等等，真系食过翻寻
餐厅仲有抽奖游戏，幸运儿可以抽到避风塘炒蟹一份，大大只肉蟹够晒镬气，爆到好香口，同火锅无添加咁样煮熟各有千秋，都比较唔到边样好食啲。加多128仲有象拔蚌刺身任食，或者可以like 社交平台5-7:30pm时段获得免费象拔蚌刺身，优惠多到数唔晒！
作为一个海鲜控，呢餐真系令我超兴奋，搞到少左提其他火锅配料。其实牛肉都好靓好嫩滑，虾滑同龙趸片等都好好味，连猪天梯呢啲比较少见嘅食材都有得点，种类繁多包罗万有。而且每台都包鸡煲一个，辣辣地调味一流。但系我最钟意嘅都系桥底炒辣蟹，龙虾同埋象拔蚌刺身等等，真系食过翻寻味，推介大家一定要试吓！
张贴
