職人壽司

营业中

休息中

去完日本旅行无耐，又想食日本野🙈诚意推介呢间喺元朗嘅职人寿司俾大家，之前疫情无得去日本时我都系靠佢寻回日本嘅味道🤣鱼类海产新鲜，小菜炸物整得有心机，食过嘅朋友都大赞❤️先食 安康鱼肝 同 白鱼薄切 开一开胃🙊鱼肝切得好厚，完全无腥味，十分柔软😌师傅刀功了得，白鱼切得透薄平均，欣赏❤️店员推介我哋试吓 牛肉他他，果然无介绍错😎牛肉选用嘅部位好出色，带点脂肪又唔会好肥好腻🥰然后系今日嘅重头戏✨✨本鲔盛✨✨一客有吞拿鱼赤身2贯、中拖罗2贯、大拖罗2贯同吞拿鱼蓉军舰2贯，全部都系我最❤️嘅呑拿鱼😍醋饭微酸带甜，加埋品质极好嘅日本呑拿鱼简直系幸福嘅味道🥹