韓珍 (帝國中心) (已結業)

今日兴高采烈咁同啲同事约咗喺尖沙咀食饭，咁上网喺openrice睇资料，见哩间咁高分，心谂实冇死啦，好难约到饭局，评分又咁高，谂住啲食物质素都好好啦，又睇咗几个食评都见都唔错㖞，咁就决定好就食呢间啦，咁佢有两间分店嘅我哋就去咗帝国中心，因为𠮶间收得夜，咁到左睇完餐牌，谂住叫住个套餐先，唔够先会再嗌其他，唔知系咪啲侍应嫌我哋嗌得少，但我觉得个套餐都唔属于话好平㗎㖞，都成七百蚊嘅，同埋我哋成晚都冇要求佢一定要加茶或者做啲咩㗎啦，而套餐入面有猪肉，成晚超痴底，个炉成日变黑，抽风系统又差，个男侍应叫亲都唔理人，态度唔好，成晚本身我哋都好开心倾计,但系呢受到咁既服务真系开心唔到啰，所以我哋拿拿声食咗个零钟就走呀，费事留喺度，因为佢哋都系服务态度好差好差好差，我一定会周围同我身边朋友讲，我个人本身好钟意食韩烧，喺尖沙咀都食过无数间，第一次觉得哩间，连以前嘅放题汉阳苑都比唔上，差到咁，仲要唔系放题价钱，食物质素一般。