你妳 (運通洋樓) (已結業)

荃湾出名多好嘢食，今日同男朋友嚟到呢间近排都几hit嘅你妳食晚餐～餐牌虽然得短短几页，但食物嘅种类都几多。而且有好多都系饱肚嘅嘢，大家一定可以食到饱饱～第一样当然要介绍吓最出名嘅白兔糖吐司，好多依啲台式小店都有芋泥吐司，如果有食过嘅话都应该知道佢系冻冻地好似一个甜品咁食。依度嘅芋泥吐司加咗白兔糖麻薯，好软滑又有奶香味，成件事都几夹～第二样系芝士肉松蛋饼，馅料都几多！成旧厚厚的～芝士同肉松都系比较咸嘅嘢，好彩佢有一个甜甜地嘅酱料，有惊喜！由于我哋两个人惊唔饱肚 （实在系太天真）所以叫多咗一个主餐，台式小店当然要试吓卤肉饭，呢度个便当会有少少蒜蓉粟米同埋糖心蛋做配菜。卤肉饭入面加咗啲豆卜碎索汁，轻易地就清晒成个饭。随餐有饮品同一个几特别既汤送，我哋拣左虾卷～虽然食哂上面既野都其实好饱，但食台湾野又点可以无小食😌 台湾肠仔都好难唔好食🤣 小食份量都几多～另一个小食系相对等左一阵既盐酥鸡，但愈等得耐就愈兴奋😆因为姐系佢系即刻炸！ 果然黎到不负所望，系热辣辣岩岩炸起既～调味都好好唔会过咸，依一个系我觉得饱都要叫既小食～顺带一提 性价比都几高～我哋两个人食到咁都只系每人百几蚊～