鮮蒲 (已結業)

放工有时谂唔到食咩，就会揸住架车四围去，间中也会有惊喜。去到崇洁街，见到呢间小店，估唔到系食乜嘢，以为系Cafe。原来系食川菜，仲系好地道果只，有唔少未见过的是菜式。小店的布置睇得出老板娘有心思。先来木耳做凉菜，冰凉爽口好开胃，但就后劲凌厉，辣度十足。至于口水鸡翼睇落去好辣，但其实有少少甜甜地都几易入口。老公点左个津市牛肉粉，卖相都唔错，偷食咗一旧牛腩，牛肉味几浓。我就试咗招牌的贝壳粉丝，用锡纸焗住，卖相好得意。摊开就会见到不同的食材，热辣辣。最好食系个粉丝底，吸收晒所有海鲜同蔬菜的精华。有时候，漫无目的，亦有惊喜。