影片
更多
2024-10-11
1772 浏览
假期中午光顾，等咗大概五分钟就可入座。用手机落单，唔使五分钟，所有嘢一次过嚟晒。张枱60cm x 60cm左右，放到已经放唔到 (如相中所示)。我哋已经有表示唔够位，职员无回应，照塞晒落嚟，全程我哋都系要拎住只碗嚟食。先饮炖汤，入面有凤爪同土鸡，都系要𦧲骨，我哋就用咗一只碗仔嚟装骨。饮咗1/3，实在太热，冷气又唔多够，两条友正面、背面全部流紧汗。咁抖抖食蒸饭先啦，问位职员拎只碗啦 (因为其中一只装咗骨)。我：「唔该，我哋想要个碗仔。」孖辫姐：「我好忙㗎！你慢慢等啦！」哦，哗，咩料？？结果我哋等咗大概三分钟，佢都真系唔攞嚟，纵使见到佢企咗喺出餐位置无嘢做。另一位姐姐职员见我哋咁迷惘，反而主动问我哋有咩需要，就攞咗俾我哋。呢间餐厅喺一直我哋Openrice嘅bucket list入面，今次系专程嚟试，毕竟个位置唔算系好方便。成个过程都食得唔开心，感觉好压迫。都有谂过可能系餐厅假期想快啲翻枱，所以一次过上晒所有嘢，催你快啲食完走。但望吓旁边，又唔系㖞，两个大人加个B，坐四个位。妈妈买隔离SUBWAY入嚟慢慢食，爸爸叫咗个蒸饭，BB叫个布甸，that’s it，食得不知几悠闲。所以⋯ 真系唔知
先饮炖汤，入面有凤爪同土鸡，都系要𦧲骨，我哋就用咗一只碗仔嚟装骨。饮咗1/3，实在太热，冷气又唔多够，两条友正面、背面全部流紧汗。咁抖抖食蒸饭先啦，问位职员拎只碗啦 (因为其中一只装咗骨)。
我：「唔该，我哋想要个碗仔。」
孖辫姐：「我好忙㗎！你慢慢等啦！」
哦，哗，咩料？？结果我哋等咗大概三分钟，佢都真系唔攞嚟，纵使见到佢企咗喺出餐位置无嘢做。另一位姐姐职员见我哋咁迷惘，反而主动问我哋有咩需要，就攞咗俾我哋。
呢间餐厅喺一直我哋Openrice嘅bucket list入面，今次系专程嚟试，毕竟个位置唔算系好方便。成个过程都食得唔开心，感觉好压迫。都有谂过可能系餐厅假期想快啲翻枱，所以一次过上晒所有嘢，催你快啲食完走。
但望吓旁边，又唔系㖞，两个大人加个B，坐四个位。妈妈买隔离SUBWAY入嚟慢慢食，爸爸叫咗个蒸饭，BB叫个布甸，that’s it，食得不知几悠闲。
所以⋯ 真系唔知。或者我哋叫个二人餐太多嘢，我哋衰，搞到职员好忙啰。
202 浏览
0 赞好
0 留言
张贴
