影片
更多
2012-01-17
19 浏览
继上次黎HOTEL ICON o既the market食过之后, 望下GREEN o既环境好似都几舒服,睇佢d cup cake都好靓,都想黎食tea..刚好有朋友又好钟意绿色同食甜品, 就想佢生日带佢黎食...但时间就拣左黎食lunch,不过佢话都好full下, 只可以比我一点要交台, 我book左12点啦...我同朋友12点前已经去到, 去到waitress都提左我1点要交台,咁有一个钟都应该ok丫,当时都无乜人仲有好多位, 舒服环境, 绿色花园加上圣诞装饰...仲有少少香味,都坐得几舒服, 不过坐o既台就系细d, 食lunch就唔系好够位摆野,食tea set就应该ok...同埋waitress姐姐都好心急想我地快d叫野食咁...我都知一点交台..有d压力...set lunch都$198一份, 散叫都百几蚊样野...我地谂黎谂去.其实选择又唔算多, 最后都系叫左两个set lunch, 有齐前菜, main course, 甜品同餐饮...前菜一系就拣salad, 一系就餐汤...我地两个都拣左salad, 朋友想食蜜瓜, 我地就拣左个melon parma ham,同软蕃茄芝
我同朋友12点前已经去到, 去到waitress都提左我1点要交台,咁有一个钟都应该ok丫,当时都无乜人仲有好多位, 舒服环境, 绿色花园加上圣诞装饰...仲有少少香味,都坐得几舒服, 不过坐o既台就系细d, 食lunch就唔系好够位摆野,食tea set就应该ok...同埋waitress姐姐都好心急想我地快d叫野食咁...我都知一点交台..有d压力...
set lunch都$198一份, 散叫都百几蚊样野...我地谂黎谂去.其实选择又唔算多, 最后都系叫左两个set lunch, 有齐前菜, main course, 甜品同餐饮...前菜一系就拣salad, 一系就餐汤...我地两个都拣左salad, 朋友想食蜜瓜, 我地就拣左个melon parma ham,同软蕃茄芝士salad...
个蜜瓜param ham原来都几大份,好多块ham,但可以蜜瓜真系得三小片, 每一片好似mask咁薄...ham其实夹住蜜瓜同菜食就好d,但ham多过蜜瓜本来系好事, 但我地想食蜜瓜多过ham, 个味好浓, 都食唔晒...系贵野..但都冇勉强食晒...另一个蕃茄salad都唔错, 软芝士夹住菜同蕃茄食都好fresh,不过又系蕃茄好少, 仲要系车厘茄, 得三四粒...如果系大蕃茄我会更欣赏, 不过佢o既set salad都算几大碟~~
食完salad之后...等左好耐都冇野食...佢又要我地一点交台..但main course就花左好多时间等, 我同waitress讲,佢地话ok 冇问题...咁咪ok啰...
main course拣左红酒牛扒, 要7成, 但黎左8, 9成...都有手版咁大块, 比预期中大, 煎得好香, 唔算太肥, ...味道系唔错, 系熟左d, 如果煮到6, 7成就会更好...仲有炸洋葱圈, 系冇意粉饭跟..好耐之前有包食都够饱肚,仲会有甜品应该ok...
另一个叫龙虾意粉...唔系好大碟, 意粉就硬左d, 都索左好多龙虾味,碟野就冇source o既,有似炒意粉有d干, 龙虾都唔系特别大只,但都算好肉,肉够实,卖相都唔错, 如果意粉煮返林少少会更好...
食完main course都够钟,我仲心急过佢, 叫佢快d拎埋甜品比我地, 我地叫左两款cup cake, 个系柠檬罂粟籽, 几特别呀,仲要插住poly 75周年,真系搅笑,卖相好靓,有d靓靓粒粒系面,有少少bling bling感觉, 味道都好fresh,柠檬香味,蛋糕都软熟,面头o既黄色cream唔算漏又唔太甜,蛋糕入面黑色一点点就系罂粟籽,咬口都几得意,唔错唔错,我几钟意这个! 另外系double chocolate, lei个卖相都几好, 不过味道就失色喇,虽然系double choco,但浓度比想像中低,唔够朱古力味,失望左..希望可以加浓d先配返用"double chocolate" lei个名...清晒所有野食就系时间饮埋餐饮喇...叫左coffee同chocolate, coffee有得比我拣latte or cappacino, 咁又算佢啦~ 我拣左cappacino,同"illy"杯装住唔知系咪真系用"illy"咖啡呢~ 味道一般啦...同埋唔记得拎糖比我...有d "o"左嘴...
好喇...总结下...如果以$198 lei个价钱就真系贵左d, 同埋限时交台真系破坏左个咁relax o既环境食饭, 下次我如果再食会早d book,唔想再比佢限时,我都想慢慢坐享受下假日午餐....食过佢d cup cake,我更想下次试下食tea set~ 不过冇得book....
张贴
