泰嘟嘟

营业中

休息中

尼间餐厅除左泰式食物种类多，仲有好靓好似泰国夜市既环境，有嘟嘟车造型既卡位。午市可以叫lunch set，单点亦可以。叫左招牌焗黄咖哩面包软壳蟹($168)，小食拼盘(小$108)，泰式青木瓜猪颈肉沙律($58)，椰汁西米糕($52)，椰青($30)。软壳蟹炸到好脆，放耐左食都冇‘林’。黄咖哩唔算辣带少少甜，仲有唔少灯笼椒、洋葱等，面包配埋咖哩食，冇得输。小份拼盘可以试到几款炸物烧物，鸡猪串烧肉质嫩唔干，而且每块肉都好大件，可以加沙嗲酱。最值得赞既系，炸春卷既馅料好丰富而且饱满，好大件，非常脆口。虾饼够弹牙，虾肉结实，比平时食到既size大。加埋甜辣酱一流。必叫沙律，青木瓜好爽脆，拌埋花生碎、青柠汁、酸辣汁，好开胃好消暑。猪颈肉有大约6厚片，肉嫩。唔够辣仲可以加埋伴碟既餐厅制作辣汁。望落好似好细碟，但个碟有深度，所以其实份量好多。西米糕一客6件，精致。每件既面头都有粒粟米点缀。上层系浓浓椰子味既糕，而下层就系西米，仲混有粟米粒，饭后甜品一流。一打开个盖，椰青水满到去到个边位。外层仲有保鲜纸包住，够卫生。椰青水清甜，夏天饮又解渴又解辣。整体，每碟𩠌既卖相好靓，连只碟都好有泰国feel。食