鬼金棒

营业中

休息中

同个friend行铜锣湾行到饿饿地想食下拉面，见到呢间鬼金棒门面logo几特别想试下。距离铜锣湾地铁站同sogo两分钟到路程，食完再shopping, perfect！🍜餐厅环境都相当唔错，装修很符合店名，日本鬼怪主题，吧台可以见到厨房，亦有普通座位。店员态度亦非常好，热情周到。我地点咗特制麻辣味噌拉面, 增量叉烧麻辣味噌拉面同埋煎饺。呢度拉面嘅辣度同麻度有5个级别可以自由选择，我地今次同时拣左小辣同小麻。特制麻辣味噌拉面，好大碗好足料，一入口就被浓郁嘅麻辣味噌深深吸引，拉面面条偏硬Q弹有口感，汤底口感层次丰富，浓郁得黎又唔会过咸同肥腻。拉面嘅面条Q弹有嚼劲，每一啖都能感受到面条同麻辣味噌汤底嘅完美融合。而最让人惊喜嘅是，麻辣味并唔会过于强烈，反而比人一种温和嘅感觉。唔系好食得辣嘅都应该接受到小辣小麻，隐约停留系嘴入面嘅麻辣感，不断刺激味蕾，令人忍唔住一啖接一啖。厚切叉烧肥瘦啱啱好，煮得非常入味，糖心蛋更系点睛之笔。如果钟意食叉烧可以试下增量叉烧麻辣味噌拉面，叉烧真系超级大块，肉汁更加juicy，配上独特嘅麻辣味噌汤底，日式煎饺嘅外皮煎得金黄酥脆，馅料饱满，味道都非常唔错。