蜀府川鍋 (已結業)

之前都带过母亲大人黎食过海鲜鲍鱼双层蒸气塔,今次就趁庆祝母亲节再带佢黎食个原只大蚬龙虾粥底火锅,超级足料有大量大蚬同两只龙虾,仲要大只过我手掌同有膏㖭。两样海鲜都好新鲜,好鲜甜。打边炉嘅食物我就叫左珊瑚蚝,滋补花胶同手切牛颈脊,每样食物嘅份量都几多。我仲用左优惠价换左一板海胆,食到最后再落埋海胆,之后熄火就变左煲鲜甜嘅海鲜粥。不得不提嘅仲有即烧大连活鲍鱼同纽西兰蛏子皇面头铺满蒜蓉,经过烧烤后蒜蓉带出香气同微脆口感,令海鲜鲜味更上一层楼。