肉骨皇 (已結業)

今日同朋友黎试下位于大坑嘅肉骨皇。呢问星马餐厅可以食到新加坡同马来西亚嘅野食，所以menu上嘅野食都有好多款。黎得呢类餐厅，当然要叫返个肉骨茶试下啦。佢哋个肉骨茶有分大同细，我地就叫左个细嘅食，怕唔够饱所以叫多个咖哩牛配油酥饼。肉骨茶虽然见佢细细煲，但其实好足料，啲汤都多到争啲满泻。里面有金菇，腐竹，杞子同豆卜，再加上好几旧大大嘅猪骨肉，一啲都唔少野，感觉重好养生。味道方面，有阵阵药材味，而且感觉偏甜，所以好啱口味，食下食下，成煲好快就冇哂，汤都冇净。另外咖哩牛肉都好好食，味道有少少辣，咖喱味好够，唔太食得辣嘅我都觉得好正。而牛肉唔太老，配埋油酥饼系绝配嘅选择，所以食完一碟油酥我地都觉得唔够喉要再喊多碟先得。再叫个碟有埋肉松系入面，真系好夹，而且佢得刚好，食落脆口，热辣辣，真系要食左先。就算无咖哩汁，净食都好满足。好值得大家一试。