豪門小菜火鍋

营业中

休息中

秋风起进入蟹季，食完大闸蟹就梗系要揾吓其他蟹嘅主题特色菜嚟食啦。今次揾到呢间位于宋王台地铁站行几分钟就到嘅豪门小菜火锅店，餐厅里面系满满嘅地道港式人情味，大排档小炒、传统中菜有齐晒，系一间地道嘅香港中菜馆。金银蛋浸豆苗新鲜豆苗炒得翠绿爽口，配上皮蛋粒同埋咸蛋粒爆香，炸香嘅蒜子加埋上汤，清新而且鲜嫩爽滑。蟹黄小笼包薄薄嘅小笼包外皮包住蟹黄同鲜甜嘅肉汁，咬开小笼包真系好Juicy。蟹黄加上鲜甜嘅肉汁真系绝配，记得要趁热食。蟹粉捞担担面超足料蟹粉捞担担面呀，一上枱蟹粉满泻，餐厅真系一啲都唔手软啊。担担面Q弹，淡淡都食到蟹粉真系好滋味。云吞鸡煲翅超足料嘅一个云吞鸡煲翅，汤底浓郁，满满系精华，秋冬先食呢个真系好滋补啊。大大煲最啱同屋企人嘅朋友一齐share，鸡件分量十足云吞都好入味。三层脆豆腐第一次食呢一味𩠌，一开始叫嘅时候以为系普通嘅炸豆腐，上枱超有惊喜。原来呢一款三层脆豆腐系手工菜，出边好难食到㗎。自家制豆腐，用心制作，豆腐食落口超滑溜，再以高汤芡汁上枱，好有惊喜。