梨滿園韓國料理 (已結業)

收工同friend行街揾嘢食，见到呢间梨满园有炸鸡任食，一于决定入店试一试先。落完order，经理就送上前菜。韩国泡菜，芽菜，薯仔同酸萝卜丝，味道正正常常。倾倾计，啲嘢食都好快送上。猪肉寿司配料系简单既红萝卜青瓜玉子腌黄萝卜加猪肉，味道清淡萝卜爽口，都几饱肚。芝士鸡有个铁板载住，热辣辣上台，芝士鸡真系超正🤗👍🏻👍🏻鸡肉嫩滑入味，再配上香浓既芝士，好食到停唔到😋😋 By the way，真系要趁热食，如果唔系，啲芝士会凝固返，好难夹🤣五味炸鸡🍗炸鸡有芝士味，蜂蜜味，酱油味，甜辣味同埋姜葱味。第一round可以拣晒五个味，一次过满足晒我地既好奇心🥳第二round就可以拣自己最爱既味refill啦～推荐芝士味，面头撒满晒芝士粉，正呀🥰酱油味偏咸，好重酱油。而蜜糖味就偏甜咗啲😄芝士蛋卷鸡蛋好滑，中间有紫菜包住啲芝士，双重口感，再搭配埋芥辣酱同番茄酱，唔错唔错，一啖接住一啖😋😋