雞翼山 (新都會廣場) (已結業)

雞翼山的雞翼好味程度，確實令人食一次就愛上，可惜分店唔多，想食就要跨區，好彩分店開於旺區，唔駛攀山涉水去幫襯。店舖提供食物種類只有雞翼、雞翼尖和飲品，而雞翼口味有十多款，選擇多樣樣吸引，餐牌圖文並茂揀選方便。雞翼以即叫即製，等餐需時，雞翼炸得香脆，再等耐啲都值得的。店內有手套提供，不要儀態，只想吃雞翼，用手拎住食更滋味。12件雞翼套餐包一杯飲品 $118雞翼可揀三種口味，雞皮薄油脂少炸得香脆，肉質嫩滑多肉汁。文青風玫瑰雞翼有著經典蜜糖甜美，陣陣玫瑰花清香，味道一試令人難忘。鹹檸七雞翼好有特式，檸味十足，富港式情懷，酸酸甜甜胃口大開，超鍾意。新加坡明哥脆香雞翼香蒜滿滿，雞翼超香脆惹味，亦都唔油膩，鹹中帶辣，風味十足。水蜜桃粒粒甜果茶杯底有好多果肉，啖啖果香甜度適中，入口清涼解渴，唔錯。健康山楂蘋果茶味道酸酸甜甜，開胃消脂，食到滿肚雞翼飲番啖解膩，正。