新惠和

营业中

休息中

一入到塔门行过码头，见到两间铺头都系好多人等位。呢一间条龙特别长，个个都系为咗食佢嘅豆腐花同埋饮无冰冻奶茶。我见佢哋咁长龙就去咗营地扎个营先，搞掂晒先落返嚟叹冷气食冻野。差唔多五点嘅时候冇咗条人龙，问一问先知道因为冇晒冻豆腐花得热食😂，咁都食架啦。叫埋支无冰冻香浓冻奶茶。其实豆腐花热食系仲滑嘅，无石膏粉味，姜味唔浓，可能我啲黄糖落多左遮左啲味，最紧要够滑。支无冰香浓冻奶茶唔够冻嘅，不过啲奶茶味都OK。坐咗一阵佢哋都自己围埋食饭，冷气其实未叹够但唔好阻人食饭就走人。其实呢间野仲有其他嘢食例如海胆三文治海胆炒饭但系其实我冇见到有人食可能时间唔啱。