味真

营业中

休息中

行过好多次呢间野都无特别入去食，直至有次发现佢个老细系韩国人，真系好想试下！呢晚想食下韩烧就一于试下！韩菜有一大堆前菜就基本啦，估唔到佢有样我地从未试过既腌菜，叫茖葱，腌到甜甜地都几好食，好特别！另外有生菜用嚟包烧肉，又有芝士烧溶之后可以点烧肉食🍴 泡菜猪肉汤($60)偏辣，泡菜味浓，好暖胃🍴 午餐肉便当($55)估唔到又几好食，饭上面有小鱼仔同其他配菜，午餐肉煎得好香，配搭得好好🍴 猪三层肉，调味猪肋骨，猪皮 ($41/100g)三层肉好肥美，加上韩式鱼露，真系好突出个肉味猪肋骨肉质好腍调味适中猪皮系我哋觉得最精彩嘅，好香脆，佢本身系厨房烧咗先拎出嚟，冻咗可以自己再烧，加上佢特别配嘅酱汁，有黄豆粉咖喱粉同酱油，真系好夹好好味店员好细心，不时会行过嚟帮我哋烧肉，又仔细介绍啲肉点样食🍹密瓜梳打($35)🍹桃梳打($35)整体嚟讲每样食物都有韩国风味，食得出真系韩国人整，尤其烧肉特别出色，佢嘅酱汁全部都好好味，同啲烧肉好夹。个人特别推荐猪皮，同喺韩国食嘅感觉一样。