影片
更多
2022-07-22
1008 浏览
做完gym梗系要及时补充能量，其实我系跑步机度已经谂定今日要食乜啦😆所以上完堂即刻冲去东京食堂💛记得第一次嚟果时真系揾极都揾唔到系边😂好容易揾到又冇开，第二次先食到，今次已经熟门熟路？又啱啱好可以坐返之前坐过嘅位😁小店得两条友忙入忙出，我为咗鳗鱼饭嚟梗系嗌原条蒲烧鳗鱼饭啦😍因为减肥就麻烦店家少汁少饭😅又加咗一个煎蛋。睇餐牌今日甜点有tiramisu大福㖞，但我就无福消受啦🥲睇到我嘅鳗鱼饭上枱都几开心，同印象中一样咁大条😍太阳蛋好吸睛咁摆埋个饭上边，蛋黄都系duang duang duang，快手用蛋捞埋个珍珠米饭先，再尝一啖鳗鱼，肥瘦刚好，少汁反而更加可以食到鳗鱼肉香，酱汁都恰到好处，有滋味带少少甜，鳗鱼有细骨不过完全唔影响，系我想食到嘅鳗鱼饭呀🥹配粟米同车厘茄都几清爽下，我平时对粟米麻麻但都差唔多食晒，味噌汤虽然得葱花冇果啲昆布豆腐乜乜料但都好饮，唔会咸。原条蒲烧鳗鱼饭（追加煎蛋）8.0/9买单时店员哥哥忘记计个追加煎蛋钱😅我提提佢话会蚀底㖞，佢就话谂住请我食🤣记得之前好似都见过post话因为疫情好困难，咁请就唔使啦，反而系我要多谢你哋可以撑住，让我仲有机会食到同印象中一样好味嘅鳗鱼
记得第一次嚟果时真系揾极都揾唔到系边😂好容易揾到又冇开，第二次先食到，今次已经熟门熟路？又啱啱好可以坐返之前坐过嘅位😁
小店得两条友忙入忙出，我为咗鳗鱼饭嚟梗系嗌原条蒲烧鳗鱼饭啦😍因为减肥就麻烦店家少汁少饭😅又加咗一个煎蛋。睇餐牌今日甜点有tiramisu大福㖞，但我就无福消受啦🥲
睇到我嘅鳗鱼饭上枱都几开心，同印象中一样咁大条😍太阳蛋好吸睛咁摆埋个饭上边，蛋黄都系duang duang duang，快手用蛋捞埋个珍珠米饭先，再尝一啖鳗鱼，肥瘦刚好，少汁反而更加可以食到鳗鱼肉香，酱汁都恰到好处，有滋味带少少甜，鳗鱼有细骨不过完全唔影响，系我想食到嘅鳗鱼饭呀🥹配粟米同车厘茄都几清爽下，我平时对粟米麻麻但都差唔多食晒，味噌汤虽然得葱花冇果啲昆布豆腐乜乜料但都好饮，唔会咸。
原条蒲烧鳗鱼饭（追加煎蛋）8.0/9
买单时店员哥哥忘记计个追加煎蛋钱😅我提提佢话会蚀底㖞，佢就话谂住请我食🤣记得之前好似都见过post话因为疫情好困难，咁请就唔使啦，反而系我要多谢你哋可以撑住，让我仲有机会食到同印象中一样好味嘅鳗鱼饭吖💛
83 浏览
0 赞好
0 留言
44 浏览
0 赞好
0 留言
张贴
