影片
更多
2020-08-28
962 浏览
据说呢间韩国餐厅连韩国领事都推介，于是嚟试吓。叫左两个set lunch，泡菜猪肉豆腐汤，同埋炆牛肋骨。仲要专登冇食早餐就过嚟，谂住可以食个满足。入到餐厅是全部waiter都系大妈，餐厅装修有啲旧，疫情底下虽然有间开顾客座，但环境都唔算干净。枱底仍然见到好多污迹，平心而论真系唔算好企理。上菜都算几快，谂住泡菜猪肉豆腐汤实冇死喇，点知真系难食到呕，系好肚饿嘅情况下都觉得好难食。真心讲真系糟蹋左啲食物。泡菜劲酸，搞到啲汤好酸，基本上仲要唔系汤，好结身，似汁多啲，完全冇可能捞饭食，又酸又咸，超级唔开胃。猪肉仲要得10粒左右，每粒大概手指尾第一节咁大，即系同冇差唔多。猪肉咬落去系散既，完全唔知自己食紧乜。仲有个豆腐，好明显系街市买$5一砖𠮶啲硬豆腐，完全唔滑，搞到劲冇食欲。前菜有一个蛋卷，普普通通，菠菜冇乜味，称唔上好食。个泡菜系超酸，我食过大部份韩国餐厅嘅泡菜都唔会系咁酸既，真系完全唔对胃口。个牛肋骨就好啲嘅，都算林身。本身叫嘅时候谂住系冇汤有啲汁㗎啦，点知上到黎系有汤冇汁。个汤系好甜，不过𠮶种甜法系好明显落好多糖，完全唔系有肉或者蔬果鲜味嘅甜味。比起猪肉豆腐汤，呢个算系好食啲，但如果一间出
仲要专登冇食早餐就过嚟，谂住可以食个满足。
入到餐厅是全部waiter都系大妈，餐厅装修有啲旧，疫情底下虽然有间开顾客座，但环境都唔算干净。枱底仍然见到好多污迹，平心而论真系唔算好企理。
上菜都算几快，谂住泡菜猪肉豆腐汤实冇死喇，点知真系难食到呕，系好肚饿嘅情况下都觉得好难食。真心讲真系糟蹋左啲食物。泡菜劲酸，搞到啲汤好酸，基本上仲要唔系汤，好结身，似汁多啲，完全冇可能捞饭食，又酸又咸，超级唔开胃。猪肉仲要得10粒左右，每粒大概手指尾第一节咁大，即系同冇差唔多。猪肉咬落去系散既，完全唔知自己食紧乜。仲有个豆腐，好明显系街市买$5一砖𠮶啲硬豆腐，完全唔滑，搞到劲冇食欲。前菜有一个蛋卷，普普通通，菠菜冇乜味，称唔上好食。个泡菜系超酸，我食过大部份韩国餐厅嘅泡菜都唔会系咁酸既，真系完全唔对胃口。
个牛肋骨就好啲嘅，都算林身。本身叫嘅时候谂住系冇汤有啲汁㗎啦，点知上到黎系有汤冇汁。个汤系好甜，不过𠮶种甜法系好明显落好多糖，完全唔系有肉或者蔬果鲜味嘅甜味。比起猪肉豆腐汤，呢个算系好食啲，但如果一间出名嘅韩国餐厅做出嚟嘅水准系咁嘅，老实讲我自己整都好食过佢。
总结来讲我真系完全唔会推荐呢间餐厅，我唔系打手。已经冇写食评好耐，今日专登嚟写一写，因为呢间野实在太难食!!! 真系可一不可再，应该系我系香港食过最难食嘅韩国餐厅。食𠮶啲新式嘅韩国fusion菜都好过呢间。。。。
张贴