本延鍋物

营业中

休息中

今日去一间日本餐厅，叫「本延锅物」，主打和牛，一人一锅，见到餐牌啲相好靓，所以我一人叫咗一份和牛：一份A4 和牛同埋一份A5和牛。A4和牛雪花纹理分布得好平均，食落口好重牛味，入口即溶嘅感觉，好香好滑，完全无筋，完全唔觉得油腻，食多多都可以。A5和牛油脂分布比较多，比起A4更香滑，好香牛肉嘅鲜味。汤底方面，我拣咗寿喜烧、昆布清汤。两款口味交换来食，寿喜烧汤底好浓味，煮蔬菜比较适合，蔬菜吸收咗汤底嘅味道，好惹味。牛肉就用昆布清汤去煮比较适合，咁样就唔会被盖过牛肉嘅鲜味。套餐仲有2款餐前小食，鱼子酱带子刺身、和牛豆腐，制作好用心、好精致。总结，喺香港第一次发现咁出色嘅和牛，系我人生必食之选。一定再来光顾。