Vista

营业中

休息中

女朋友生日，当然要带佢食好嘢啦。呢间餐厅位于大楼嘅高层，俯瞰维港景色，夜晚嘅时候真系超靓㗎。呢度嘅dinner set都几吸引。前菜方面，我哋点左薄切红虾配蒜泥蛋黄酱、腌制洋葱果酱及辛辣开心果，望落去真系好精致，食落去各种酱汁都好夹，配合鲜味嘅红虾，好吸引。另外嘅仲点咗烤八爪鱼沙拉配罗马生菜苗、西柚油封薯仔及帕玛火腿，八爪鱼嘅口感弹牙，好正。主菜方面，我哋点咗菠菜奶酪云吞配黒松露同埋鳕鱼配白芦笋、腌渍蔬菜及青口番茄酱。意大利云吞酱汁好Creamy，散发啖啖黑松露嘅香气。鳕鱼都煮得好入味。最后，食埋西西里芝士开心果卷心脆饼做甜品就好满足。