喜來稀肉 (已結業)

早几日返工到晏昼午餐时段，原本谂住求其去公司附近一间食个快餐就算，忽然，同事提议新一年开始第一餐应该食好啲，就决定去喜来稀肉😋我自己本身甚少食烧肉，所以未听过呢间餐厅，入到去发现餐厅舖面都几整洁㖞，唔知系咪我哋去嘅日子距离圣诞完咗冇几耐，餐厅仲摆咗一棵好靓嘅圣诞树装饰，我哋都忍唔住影多几张相打卡。之后当然要嗱嗱临拣个靓位坐低落order。食物方面，炉边芝士蛋味道唔错，不过难得食烧肉，最紧要嘅当然系肉嘅质素！当侍应上枱时，我同同事见到𠮶啲肉简直哗出声。估唔到午餐时段嘅烧肉，餐厅都咁有心机将啲肉折成一朵花。外貌固然出众，但肉类味道更加出色，食落一啲都唔嚡，而且仲冇筋，够晒油香味，我觉得以呢个价位来讲简直物超所值。