影片
更多
2021-03-29
82 浏览
放假嘅节目离不开饮饮食食，呢日又再次嚟到佐敦同尖沙咀交界嘅三角位，位置虽然偏离中心少少，但餐厅选择非常多，而且中伏嘅机率相对低(个人经验)。今日就去咗「Garden Bar & Restaurant」食晏，佢系一间超靓嘅秘密花园西餐厅🌸🌼🌺。环境方面，餐厅真系超级多打卡位📸，每个角落都放满花花草草嘅摆设，令你完全有置身喺花园嘅感觉，好靓好靓啊😍。更特别嘅系餐厅用上好浓嘅花味香薰，同装修衬得绝。不过都系讲返食物先，餐厅星期六都有做午市套餐，总共有六款选择，价钱由$68至$108不等。套餐包沙律同汤，价钱本身已经唔贵，而家仲要做紧「二人同行，一人半价」嘅优惠‼️，咁即系抵上加抵👍！和牛汉堡扒配薯条($108)，呢度卖嘅竟然系净汉堡扒，而唔系汉堡包🍔，实在太好了！因为我真系冇兴趣食面包。汉堡扒上面铺咗煎蛋同两块芝士，成个组合感觉几有港式汉堡风味。🐮汉堡扒用上和牛制成，牛味果然非同凡响，而且非常多汁，如果打得再结实少少就无敌。🧀芝士嘅咸香令到汉堡扒好够味，再配埋煎蛋食🍳，口感更有层次。伴旁嘅炸薯条🍟份量几多，炸得几好食，做到外脆内软嘅效果。云高利意大利粉($88)，佢其实即系香蒜白酒蚬肉意粉Sp
放假嘅节目离不开饮饮食食，呢日又再次嚟到佐敦同尖沙咀交界嘅三角位，位置虽然偏离中心少少，但餐厅选择非常多，而且中伏嘅机率相对低(个人经验)。今日就去咗「Garden Bar & Restaurant」食晏，佢系一间超靓嘅秘密花园西餐厅🌸🌼🌺。
环境方面，餐厅真系超级多打卡位📸，每个角落都放满花花草草嘅摆设，令你完全有置身喺花园嘅感觉，好靓好靓啊😍。更特别嘅系餐厅用上好浓嘅花味香薰，同装修衬得绝。
不过都系讲返食物先，餐厅星期六都有做午市套餐，总共有六款选择，价钱由$68至$108不等。套餐包沙律同汤，价钱本身已经唔贵，而家仲要做紧「二人同行，一人半价」嘅优惠‼️，咁即系抵上加抵👍！
和牛汉堡扒配薯条
$108
0 浏览
0 赞好
0 留言
和牛汉堡扒配薯条($108)，呢度卖嘅竟然系净汉堡扒，而唔系汉堡包🍔，实在太好了！因为我真系冇兴趣食面包。汉堡扒上面铺咗煎蛋同两块芝士，成个组合感觉几有港式汉堡风味。🐮汉堡扒用上和牛制成，牛味果然非同凡响，而且非常多汁，如果打得再结实少少就无敌。🧀芝士嘅咸香令到汉堡扒好够味，再配埋煎蛋食🍳，口感更有层次。伴旁嘅炸薯条🍟份量几多，炸得几好食，做到外脆内软嘅效果。
云高利意大利粉($88)，佢其实即系香蒜白酒蚬肉意粉Spaghetti alle Vongole🍝。呢碟意粉蒜香味十足，但又唔会过火，所以整体算几惹味。意粉用上最普通𠮶种，不过都煮得几弹牙，亦易挂汁。蚬肉用料新鲜，大只肥美，并唔系求其俾啲雪藏货客人，有诚意。意粉摆盘几靓，面头落咗啲菊花碎作点缀，车厘茄亦为菜式加添色彩🍅。
南瓜汤，🎃餐汤用杯上，大大碗，味道浓郁又唔稀，而且抵赞嘅地方系够晒热。
柠檬姜油醋沙律，🥗沙律菜就冇乜特别，不过个汁就同平日食开嘅唔同，因为系用上酸度较强嘅柠檬姜油醋🍋，钟唔钟意就见仁见智啦。
店员几友善，喺埋单之际佢为我哋送上印花卡💮，凡惠顾一份正价午餐就可以获得一个印花，储够八个就送一份午餐。如果喺附近返工，其实真系唔难储。
题外话，餐厅仲提供玩具比客人玩，好似Cafe咁，夜晚玩酒Game就啱哂🍻。无聊事一则，餐牌播住嘅广东歌歌单完全符合我心意，我忍唔住跟住一齐唱🎤。
总括嚟讲，估唔到喺打卡餐厅食晏可以咁平落楼😳，食物味道都几好吖。有时啲餐厅环境系靓，但就暗藏邋遢，不过呢度唔会，店员落力清洁，四周围都好干净，环境舒服凉快，值得大家嚟朝圣打卡啊🤳！
张贴
