Joyful Dessert House (已結業)

同姊妹喺铜锣湾食完晚饭行完街， 九点几钟消化过程差不多又完成，肚仔开始空虚系时候又要去食个甜品！经开骆克道呢间joyful dessert house， 见到米芝莲推介㖞，即刻入去试下啦！我好钟意佢个logo呀，设计好似一块曲奇，仲要系紫色嘅，好靓。墙上嘅图画都好吸引。我实在被menu的紫色深深吸引， 眼中只看到紫色！今晚一于食个紫薯香芋芭菲啦！！！实物拎上手真系令人赏心悦目，芭菲一共有10层， 杯身比想像中纤幼，份量岩岩好。中间有三层系好香嘅紫薯蓉， 而雪糕球系香芋味，味道几夹。饮品方面就叫咗百香果红茶，红茶味几重。有甜品嘅girls night先完满架嘛