百味堂 (已結業)

成日经过百味堂都冇帮衬过，因为次次都食完饭先经过，觉得应该食唔落。今次咁啱食唔饱，所以决定去过下口瘾。店舖唔大，多数都系双人位，有个隐蔽d嘅细卡位坐得几舒服。讲下杯雪糕先。今次叫咗佢招牌嘅牛奶雪糕。首先卖相系无得顶，个望落好smooth 嘅屎屎型雪糕真系好可爱，忍唔住即刻咀落去。佢外表同内涵一样咁好，口感细滑，奶味超超超超浓，对于牛奶控嚟讲真系天堂呀。个cone 都好靓，咬落脆卜卜，口感好轻，唔似一般饼cone 个种饱肚感。成杯雪糕系视觉同味觉嘅享受呀😍