火滾安哥雞煲酒館 (已結業)

早幾日去大角咀探朋友, 問佢附近有咩好食,佢就話有間用雞湯打邊爐嘅酒館好正,又可以飲下啤酒, 雖然最近減緊肥,都要捨命陪君子試一試。我地叫咗: 花膠魚肚海鮮雞鍋 $298 雞煲用上大量新鮮雞件, 齋睇雞湯嘅色水已經知道好香濃,一定好足料, 黃白色嘅雞湯就好似平時飲媽媽煲嘅雞湯, 超正。仲叫咗手切牛肉、潮式魚蛋、潮汕牛丸、鮮竹笙、豬膶, 好豐富。要讚肥牛質素好好, 肉味濃, 份量夠晒二人食。仲有勁多花膠魚肚吸晒雞湯精華,好正。完全感受到花膠令到湯底杰杰地, 皮膚都被照顧到。邊飲啤酒邊打邊爐, 非常滿足。