興記咖啡室

营业中

休息中

今日约咗阿妹同朋友一齐去上环海味街逛逛，行到攰攰哋，想揾个地方坐低饮杯茶，系斜路见到「兴记咖啡」四个大字，谂住咖啡咁出名，可以坐低抖抖叹咖啡。行到门口见到贴满食评介绍嘅神级西多士，当然唔可以错过啦。三个师奶仔坐低，净系叫咗一般份西多士、一杯奶茶、一杯鸳鸯，非常唔好意思，但系招呼嘅姐姐绝无鄙视眼神，仲好醒目，咁拎咗三只叉出嚟，呢个真系要加分。西多士先上枱，隔住个口罩都闻到蛋香味。上面有牛油加炼奶，同一般落糖浆嘅做法唔同，入口脆皮加炼奶香滑，再加埋面包嘅松软，师父煎法令到西多唔油腻，呢度先系功夫，真系神级享受。至于奶茶，略为逊色，唔算香滑，再加啲奶应该会滑啲，同招呼嘅姐姐讲，转头佢成罐花奶放咗枱面，今时今日，咁嘅服务态度真系不得了，即刻俾只手指公👍🏻，佢话叫我同老细讲，我梗系大大声同老细再讲多次赞吓佢啦。