ChirChir Fusion Chicken Factory (已結業)

全部都系鸡，由韩国来的鸡料理店，周围都系鸡的装饰，好有趣，贴合返餐厅的炸鸡。先来的饮品好大杯，叫草莓冰冰 $88，上面是草莓味的冰冰，下面是芒果口味的冰冰，味道酸中带甜，仲有芒果香味，饮完好冰凉。虽然 d cream 好多，但唔系好甜，仲令杯饮品更滑，不过容易饮到腻腻地。由于怕唔饱，所以叫左个有意粉的炸鸡，个菜式名都好特别，叫 兹乐兹乐美极了 $168，有炸鸡同白汁意粉，仲有焗到香喷喷的芝士。炸鸡有少少辣好惹味，鸡肉嫩滑又唔干，但炸鸡有少少淋左。白汁意粉加入左意大利芝士，所以食到好香浓芝士味，意粉煮得偏淋身，挂到好多芝士白汁，好正。食完炸鸡到食烤鸡，呢款一点都唔油腻，焗得皮脆肉嫩又香，叫蒜香健康烤鸡 $168，有一整只鸡，仲有焗薯及鸡蛋，旁边的是清新蕃茄沙沙酱。烤鸡上有蒜蓉好香好香，加上甜甜的蜜糖，已经系完美组合，鸡的油脂都被烤焗迫哂出黎，皮薄又香，鸡肉多肉汁又嫩滑，配沙沙酱好清新爽口，熟鸡蛋也是烤出来的。整个份量都颇大，两人食完超饱。