滿屋日本料理 (大鴻輝(荃灣)中心) (已結業)

见到个个都食大闸蟹，好痕就睇吓有冇啲任食大闸蟹，点知睇到荃湾满屋，除咗大闸蟹放题，仲有榴梿放题😍😍😍😍真系啱晒我哋！以前细个会过嚟大鸿辉食饭，成日觉得环境麻麻哋，但系今次去到满屋，发现座位都阔落，而且自助餐区选择众多，仲有榴梿蓉！🥰🥰🥰除咗一般放题有嘅嘢！我哋叫嘅C餐，仲有拖罗同蟹脚可以食！质素好OK，中拖罗非常肥美，而且无筋👍🏻蟹脚啖啖肉，非常好食！除此之外仲有海胆都系任食！海胆俾得非常大方，非常甜！真系超正超正！重头戏梗系大闸蟹啦，大闸蟹size细细只，不过打开咗超有惊喜，因为都系爆膏！啲膏唔苦，唔错唔错😋最不得了嘅一定系榴梿放题！除咗冻榴梿，佢仲有烤榴梿！吼榴梿超级正！烧到外皮焦糖咁样，咬落口烟烟韧韧非常好食！除此之外，仲有避风塘炒蟹，啲蟹都正㗎 ！食物种类繁多，同平时啲放题呢一间真系超有惊喜，下次会再嚟食👍🏻👍🏻👍🏻