餃里 (悅湖商場) (裝修中)

听朋友讲屯门有间手工饺子店好高质，今日佢终于肯带我去，睇下系咪真系佢讲咁正先就系呢间「饺里」啦，好似好正咁，望入去见到有人即场包紧啲饺子，无花无假，店员都好好礼貌！呢到无得堂食，主打外卖煎、汤饺，亦可以外卖生饺返屋企自己煮。早早黎到已经无晒两款味道，可惜。睇黎都好受欢迎。睇紧menu同时都有唔少街坊过黎吹水买野。我今次就外卖左生饺返屋企煮，附送埋烹调教学，真系傻既都识煮呀！.....好吧我是傻有几件煎㶶左不过好彩入面啲馅无事，煮完就睇得出系咩味啦，入面啲馅料透出黎，见到唔同既颜色橙色呢个系泡菜饺子，好新奇，外皮唔会好厚，入面泡菜同肉粒pack到满晒，劲足料，泡菜煮熟左又唔会好似韩国餐厅啲前菜咁好酸好辣，反而咸咸甜甜，亦好有咬口，好食呢个系香茜饺子，入面好香既茜味，唔错黄色呢粒劲啦，系咖喱饺子，我中意既一款！咖喱味好浓，有少少辣，食到停唔到口！煮熟左之后啲咖喱味渗埋落饺子皮到，好好味！