抖蛋馬來西亞古早味蛋糕 (啟德) (已結業)

今日第一次去沙中线嘅启德站，一出站就闻到好香嘅蛋糕味，原来系一间古早味嘅蛋糕店新鲜出炉。佢哋嘅蛋糕有四种唔同嘅口味，原味、流心咸蛋、芝士同榴梿，系每日唔同时间出炉，我去嘅时候就正正系原味同流心咸蛋出炉嘅时间，所以各买咗一个试下。佢嘅流心咸蛋黄真系令我好惊喜，初初以为会好干、或者好腻，但系蛋糕非常湿润，软绵绵好似枕头咁，有满满嘅咸蛋黄酱，亦都唔会太甜。而原味就好香蛋味，而且佢哋嘅蛋糕非常大个，如果即日食唔晒，就算放咗入雪柜第二日再食都一样咁好食，真正古早味嘅蛋糕热食同冻食都咁好食。