影片
更多
2024-10-02
2725 浏览
话说有朋友介绍左鲗鱼涌一间好好食嘅烧鸡，开头以为系一间小店，去到餐厅才发现，原来佢已经开左几间分店。由于完全没有做功课下，来到发现佢系几有特色嘅舖头，鸡皮炸午餐肉，应该系邪恶中嘅极品，真心劲好食，同老板倾开先知原来佢哋曾经负责过一间戏院嘅小食，因为系呢个戏院先可以食到咁好食嘅炸午餐肉条，今次佢加强元素，加上风干左嘅鸡皮，口感更好。店主钟意食热狗，佢哋呢度亦都有好多种佢哋引以为傲嘅热狗，我食左最typical嘅一个，无需解释，由酱汁到香肠到面包都系好讲究，绝对值得试一个，唔好因为晚餐叫热狗而觉得好奇怪。招牌菜原味烧鸡系主角，其实大家睇相已经知道好正，用最原始嘅皮脆肉嫩形容就绝对解释到，佢嘅肉汁真系多到爆棚，烧鸡以法国牛油及新鲜香草腌制，出菜个刻真系好香，店主会帮你剪埋分晒鸡胸鸡翼俾大家，加上可以选不同的side，而且side同样做得好好，呢个真心推荐。隔篱枱食嘅烧鸡系加强版，鸡入边酿咗唔同嘅生果，偷听到佢哋好满意，而且亦都系好多肉汁，下次一定要食。意式香草蕃茄酱比目鱼意粉系另一推荐，店方选用格陵兰比目鱼 (Halibut)，口感嫩滑，个鱼皮烤至皮脆鲜香，鱼肉也非常美味，意粉又系劲得。最紧
话说有朋友介绍左鲗鱼涌一间好好食嘅烧鸡，开头以为系一间小店，去到餐厅才发现，原来佢已经开左几间分店。
由于完全没有做功课下，来到发现佢系几有特色嘅舖头，
鸡皮炸午餐肉，应该系邪恶中嘅极品，真心劲好食，同老板倾开先知原来佢哋曾经负责过一间戏院嘅小食，因为系呢个戏院先可以食到咁好食嘅炸午餐肉条，今次佢加强元素，加上风干左嘅鸡皮，口感更好。
店主钟意食热狗，佢哋呢度亦都有好多种佢哋引以为傲嘅热狗，我食左最typical嘅一个，无需解释，由酱汁到香肠到面包都系好讲究，绝对值得试一个，唔好因为晚餐叫热狗而觉得好奇怪。
招牌菜原味烧鸡系主角，其实大家睇相已经知道好正，用最原始嘅皮脆肉嫩形容就绝对解释到，佢嘅肉汁真系多到爆棚，烧鸡以法国牛油及新鲜香草腌制，出菜个刻真系好香，店主会帮你剪埋分晒鸡胸鸡翼俾大家，加上可以选不同的side，而且side同样做得好好，呢个真心推荐。
隔篱枱食嘅烧鸡系加强版，鸡入边酿咗唔同嘅生果，偷听到佢哋好满意，而且亦都系好多肉汁，下次一定要食。
意式香草蕃茄酱比目鱼意粉系另一推荐，店方选用格陵兰比目鱼 (Halibut)，口感嫩滑，个鱼皮烤至皮脆鲜香，鱼肉也非常美味，意粉又系劲得。
最紧要食完呢餐唔算好贵，而且仲发现佢有几间分店绝对成为最近最爱餐厅之一。
张贴
