影片
更多
2015-09-24
1368 浏览
为左好人老板同好好食嘅晚餐，我就献上第一次食评喇。老实讲，用心用靓料去做餐厅嘅人愈来愈少，希望岀一点点力，令呢啲餐厅唔系香港绝迹。是咁的，前晚六个朋友食饭，又唔想食日本野个啲咁普通，我又记得呢到附近有间越南野就订枱喇，原来转左间新嘅，咁就照试！点知就一试难忘。个日我地就点左，两个2人餐，其实份量都几多。第一个令我惊喜就系个唔肥嘅猪肉煲，首先啲汁劲香，啲肥猪好似有几层脂肪但一啲都唔油㖞。第二个就系个生牛肉汤面，我依家先知啲牛肉就半生熟咁食。一个字，好嫩！啲牛唔洗用牙咬！后来，老板过黎搭嗲，放左条草落去食，搞到个汤又几香㖞。第三个，滴滴咖啡！老实讲，本身唔想夜晚饮咖啡，但老板又诚意推荐，就试下喇，点知又几过引。首先佢个特别嘅漏斗慢慢滴啲咖啡岀黎，再混埋啲媡奶，老板迫我地闻下，系一阵淡淡嘅香味，然后一定要加冰饮！超滑！平时咖啡热先好饮，呢只又奇怪㖞，愈冻愈好饮。第四，手指公咁厚猪颈肉串烧。一个餐得两串，本身以为唔够要再加多几串食（其实都要40蚊串），一上菜就哗哗声，原来佢吉左块扒仔岀黎，一旧肉分四旧食都仲得。仲烧到外脆肉软。期间，我地已经听哂老板话喇，老板话有私人推，餐牌冇，问我地食唔食。咁
是咁的，前晚六个朋友食饭，又唔想食日本野个啲咁普通，我又记得呢到附近有间越南野就订枱喇，原来转左间新嘅，咁就照试！点知就一试难忘。
个日我地就点左，两个2人餐，其实份量都几多。
第一个令我惊喜就系个唔肥嘅猪肉煲，首先啲汁劲香，啲肥猪好似有几层脂肪但一啲都唔油㖞。
第二个就系个生牛肉汤面，我依家先知啲牛肉就半生熟咁食。一个字，好嫩！啲牛唔洗用牙咬！后来，老板过黎搭嗲，放左条草落去食，搞到个汤又几香㖞。
第三个，滴滴咖啡！老实讲，本身唔想夜晚饮咖啡，但老板又诚意推荐，就试下喇，点知又几过引。首先佢个特别嘅漏斗慢慢滴啲咖啡岀黎，再混埋啲媡奶，老板迫我地闻下，系一阵淡淡嘅香味，然后一定要加冰饮！超滑！平时咖啡热先好饮，呢只又奇怪㖞，愈冻愈好饮。
第四，手指公咁厚猪颈肉串烧。一个餐得两串，本身以为唔够要再加多几串食（其实都要40蚊串），一上菜就哗哗声，原来佢吉左块扒仔岀黎，一旧肉分四旧食都仲得。仲烧到外脆肉软。
期间，我地已经听哂老板话喇，老板话有私人推，餐牌冇，问我地食唔食。咁就再叫左个大虾同贵价生牛肉。由于餐牌冇就净系俾相，自己问老板有冇得试喇。(个蒜好香但又唔系个只劲浓嘅味，我地最后净啪啲蒜）
环境就好细，几张枱咁。但野食就加哂分！温馨提示，如果老板话只辣椒系甜嘅，唔好信呀。辣到傻，好彩有俾媡奶我解辣咋。
6个人食，埋单约160(因为叫左碟贵牛同虾，其实两个二人餐就够够地)，可接受嘅晚餐价，但质素绝对超越呢个价钱，老板嘅服务费都唔止。再食机会200%，支持下小店喇！
张贴
