百味川 (已結業)

多数去葵广都系去扫街，但今日真系太热想正正经经坐低咁食返餐，误打误撞嚟到呢间细细的舖头食米线。💚 百味鲜茄鱼淮山面天气咁热真系饭都食唔落，最啱食啲酸酸甜甜嘅嘢，呢个米线一上枱已经闻到浸酸酸甜甜嘅味道，非常开胃。碗米线真系劲足料，鱼柳多到铺哂成个面(其实只碗系好大)，虽然应该系急冻鱼柳，但系食落一啲雪味都冇，好滑而且冇骨，识落真系啖啖肉。蕃茄都一样咁多，个汤饮落都好浓味，而且有少少嘅厚度，食得出真系用蕃茄熬制出嚟。淮山面喺一般嘅面店比较少见，原本以为会系偏淋，点知系好有咬口，完全系我钟意嘅texture，而且都几挂汁，同个番茄汤好夹。💚 麻辣牛魔王油面辣度由微辣到特辣，今次只系拣咗微辣过吓口瘾，个辣度真系超级微，一般食得辣嘅人可以由小辣开始拣起。呢碗同样都系好足料，有牛腩、牛筋同牛肚，每样都有4-5嚿，净系食𩠌都饱🤣。牛腩偏瘦但系又唔会好硬，同牛筋一样都炆得好入味，而牛肚都系炆得好淋好入味，仲有少少花生、酸菜、炸酱话调味，令到汤底嘅味道更丰富。💚上汤娃娃菜估唔到个菜会咁大碗，唔油腻，味道偏淡，啱晒浸落去碗面到一齐食。💚 樽仔奶茶茶底嘅味好出，同奶嘅比例唔错，而且好滑，甜度都正常，喺米线店