第一郡 (已結業)

讲起越南餐厅，香港人大多会谂起生牛肉汤河，但天后依间主打正宗越南菜嘅「第一郡」就坚持唔卖生牛肉汤河，相当有性格。系老板嘅介绍下，就叫左「蟹膏蕃茄汤檬」、「烤猪肉捞檬」，同埋招牌「牛油果沙冰」。三样野之中，最特别就系「牛油果沙冰」！除左因为香港餐厅好少见到用牛油果做沙冰，仲因为「第一郡」嘅沙冰做得非常顺滑，入口唔会食到冰粒。而且沙冰唔会加入太多糖水，可以饮返牛油果本身嘅味道。「蟹膏蕃茄汤檬」亦系「第一郡」嘅主打茶之一，当中嘅蟹膏饼有好香浓嘅蟹膏味。汤底用牛骨煮足一晚，非常香，再加入香茅同其他香料，味道浓郁。至于「烤猪肉捞檬」，最特别就系猪肉烤到微焦好香口，但又唔会太干。而且捞檬上面加左越式酸萝卜，即使食左好多烤猪肉都唔会觉得太腻。