Flames (黃埔天地)

营业中

休息中

如果第一次去西餐厅，我通常会点牛扒，或者pasta类的食物，因为比较稳阵。但今次忽发奇想试下薄饼，点知好有惊喜！卡邦尼薄饼 $168一上枱就见到薄饼与别不同，薄饼边虽然厚身，但烘烤得好干、好脆，好似喺窑炉即席烤焗出来的感觉，拎住薄饼边时仲听到「脆卜卜」的声音添，正！薄饼材料亦相当丰富，除咗有carbonara常见的意式烟肉、忌廉、意大利奶酪芝士、巴马臣芝士、mozzarella芝士之外，每件薄饼上面都有只烘烤的鹌鹑蛋，切一切鹌鹑蛋就发现，入面啲蛋浆会缓缓流出，令薄饼整体口感无咁heavy，多一份蛋香，好味！10安士肉眼扒配忌廉薯蓉 $268比起pizza，牛扒就相对不过不失。我选择咗五成熟的牛扒，外层带点焦香，入面仲有少许粉红色，食落充满肉汁，而且肉质软身，不会变干柴。忌廉薯蓉有黑松露加持，劲香，如果热番少少味道会更好！澳式鸡盐薯条 跟餐$48就咁睇以为薯条无乜特别，表面盐粉不太多，但食落都几够咸，唔使沾茄汁都好食。Nuts Bout Tella Shake $78朱古力榛子口味的奶昔，加埋铺面的忌廉，好邪恶！餐厅装潢摩登，坐喺马蹄形sofa的话感觉几cozy。