蓉玥

营业中

休息中

已经第三次嚟食下午茶，今次试咗个姬松茸猪肚鸡宽薯粉。其实斋听个名已经觉得里面有唔少嘢，点知碗宽薯粉嚟到之后更加令人惊喜，里面除咗有顾名思义嘅姬松茸、猪肚、鸡、宽薯粉之外，另外仲有支竹，少少绍菜同埋杞子点缀。鸡件用酒轻轻腌过，鸡肉咬落弹牙，有少少酒香。 猪肚爽脆，鸡汤香浓，加埋姬松茸、杞子，非常健康补身。跟餐仲有例汤萝卜鸡脚汤同埋餐饮送。我全部汤都饮晒，返到屋企都唔会颈颈渴应该冇乜味精。 之前食过桂花蜜班块客饭都相当唔错。 下午茶价钱更加无得输。不过食下午茶要注意四点半至五点半东家用膳唔开门。 外区人净系识得排大队食鱼蛋粉，唔会行过两间舖头试真系走宝。