木船泰國粉麵專門店 (已結業)

Weekend梗系要食返个靓lunch啦~想食啲开胃嘅野，所以拣咗呢间泰国粉面。系出面嘅餐牌见到价钱都几合理，都好多人食，决定一试。佢地嘅招牌菜式系烧豚肉饭，88蚊包埋汤、小食同野饮。仲叫咗个汁烧安格斯牛肉饭配温泉蛋，同样系88蚊嘅定食。定食嘅汤可以拣冬阴功或者肉丸扎肉鲜鸡汤，冬阴功汤椰奶味比较重，几好饮。肉丸扎肉鲜鸡汤就偏咸咗啲，味道麻麻地。烧豚肉饭个造型都几靓，上面堆咗好多青木瓜丝，仲有好开胃嘅泰式酸辣酱汁。烧豚肉都有泰式酸辣酱嘅味道，再mix埋烧汁，个味道好特别，清爽开胃！原来烧豚肉饭都附送咗温泉蛋，捞饭食一流！汁烧安格斯牛肉饭就无青木瓜丝同酸辣酱汁，所以牛肉味比较突出，都非常香嫩！定食包埋三个小食，有木耳、炸丸同一旧朱古力小蛋糕，水准都唔错。