War Rooms by Top Blade

营业中

休息中

Item: War Rooms by Top Blade
Rating: 5
Author: 食得太多饱饭小姐

4.5

22 食记

味道

环境

服务

卫生

抵食

7133

中环

$401-800

西式扒房

食得太多饱饭小姐

等级2

由开业一直bookmark
但未找到合适时间尝试
$780 能够提供8道菜(实质是9道）
试完忍唔住大大力推介俾身边嘅朋友
系近几个月来，食过最有惊喜嘅餐厅
钟意食牛肉嘅绝对不能错过

餐厅叫war rooms 系取自英国首相邱吉尔嘅战时办公室
所以部份菜式同wine pairing都联系左呢一个主题的启发
组成一个几完整嘅故事同menu

手工面包配烤牛骨髓：
- 第一道菜先来一客香喷喷牛骨髓，每两人分享一条，里面有好多烧香骨髓+超香牛油+一些香草，配上西班牙薄面包，吸尽油香又带香脆感，骨髓在口腔溶化好满足，因为都几腻，要加粒番茄仔中和一下

雪茄生牛肉他他
- 其中一个招牌，卖相打卡度极高，店家用脆春卷皮卷成雪茄形状，再唧满生牛肉他他，牛肉他他调味的洋葱跟香草味都颇突出，但次序上有点怪，通常是开胃菜先吃酸度较高的，这道菜偏酸。想深一层，应该是想调和上一道菜的油腻感

朱古力牛面颊
- 这道菜算是全晚较少亮点的一道菜，用上（澳洲？）和牛面颊慢煮，配上含朱古力调制嘅酱汁，加上baby carrot 平衡返个浓味，正常

干色熟成和牛舌芯
- 28日干式熟成过，浓缩左牛味，重点系烧得恰到好处，有牛舌完美嘅口感同韧度，而又保持到弹性，油香同肉汁，旁边的芥末蒜粒仲再提升味道，好好味
白芦笋配法式荷兰酱
- 餐单安排食左一半，系时候清一清味蕾，芦笋食落好清新，可能以高汤烹调过，唯一可惜是白芦笋变左芦笋，衬荷兰酱就争左少少

牛扒二重奏
- 已经好满足时，食到呢一部份发现，二重奏其实系两道菜，$780 食9道菜真系好丰富好丰富。首先上台嘅系封门柳配炸紫苏叶日本姜青椒，封门柳外面煎香煎得恰到好处，既品尝到焦香感又食到封门柳嘅软熟度，top blade 嘅flat iron 功架真系十足，轻轻沾上盐就够，谂返都觉得好好味

- 第二款系京都和牛，侍餐的这一个厚度刚好可以令和牛嘅油香完美呈现，大食如我都真心觉得系大满足，仲食埋隔离位其中一件，抵我变肥婆。伴碟嘅千层薯仔先至最惊艳，问返侍应，原来用上好多心机制作，先将薯仔切薄片，再重新拼好形状，入雪柜定形，然后才会油炸，难怪每一层都香脆松化，好好好好味。另一伴碟嘅大葱都好好味，外层食大葱质感加烹调酱汁，内层食较鲜嫰较甜嘅部份。

和牛煲仔饭
- 当大家好饱嘅时候，最重量级嘅一道菜就即将上台，侍应将gas 炉放旁边另一小台，煲仔内已经有生米加上西班牙肉肠，再慢慢开火烹调，当煲仔饭再上台，生米已经煮成熟饭喇～呢个时候，生和牛粒出场！倒入煲仔饭内加入甜酱油，再冚盖，等多几分钟就可以食。个饭系整晚最大亮点，和牛嘅油香溶哂落白饭，每一啖都融合左牛肉同西班牙肉肠嘅惹味，用甜酱油均衡调味过，味道层次又多左，加埋少少饭焦嘅口感，虽然饱到爆，但我地都添左饭。

番红花香橙芒果雪葩
- 雪葩清新，用上芒果同香橙配搭好好，有效减低油腻感，番红花都有微量，少少木香令甜度更有层次感。

总结
- 呢个moment,呢一餐真系无野可以再挑剔，强烈推介俾好钟意食牛嘅朋友，短期内我自己都好想encode, 希望保持水准。

呢一晚嘅侍应服务真系超级好，对食物嘅认识同煮法都认知十足，专业而不失亲切，仲要负责埋整煲仔饭咁全能，整个menu 设计排序都好有心思，多谢俾左咁愉快嘅用餐体验俾我地。