神戶屋日韓放題

营业中

休息中

朋友介绍嚟旺角食日韩放题，价钱唔高，所以嚟之前都冇乜嘢expectation！嚟到见佢门口细细但内里原来都几大下！仲接近全部都系卡位，坐得特别舒适！咁嚟到放题首先梗系攞咗嘢饮先啦！见佢任饮的啤酒都用啲贵价嘅啤酒，如嘉士伯啤酒等！ 其他嘅饮品都有好多选择！最特别系佢首先帮我哋点咗一个都几大下嘅鱼生拼盘！再加个细细嘅shabu shabu！啱晒啲好似我咁嘅人，食咁多冻嘢；如鱼生；又可以食返啲热嘢暖下个胃！当然餐牌入面仲有好多唔同嘅选择，有韩式嘅人参鸡汤，也有日式嘅炸物，可以讲应有尽有，畀我畅快咁食！而最后嘅甜品主要系韩式嘅雪条雪糕！对我嚟讲都好新鲜感！总括来说，食物方面样样都水准之上和新鲜！食得相当开心，也可说是性价比高的一间日韩放题！