青花亭 (已結業)

作为呢区街坊，基本上成个油尖旺都系我行得到嘅距离，去得到帮衬嘅餐厅，时间就到我都会去。呢度唔算难揾，系荔枝角道，呢边唔算好热闹。我黎到已经系late lunch，无乜人，几叹。睇左一阵餐牌，几样都想食。先黎餐汤，超级丰富，又唔稀，得㖞！餐厅门口都有搓手液，亦有啲文宣攞。烤焗美国春鸡配野菌忌廉汁扁意粉，78元。只鸡皮脆肉嫩，有脾有肉，完全系好满足。同时亦锁住肉香，系真正即叫即整，系轻撕开皮嘅一刻热到烟系冲哂出黎。意粉无好孤独地系下面hea住，同样热度等待浮上黎，汁够哂，唔会稀。份量非常足，而且唔过100元！真系超级惊喜。加杯cappuccino都系8元，正！望下四周环境，中国风嘅装修同西式餐有强烈对比，但又唔会唔夹。自由创作。用心制作，系好重要，我认为系我食过性价比系最高之一嘅餐厅，我食紧嘅过程已经不断推介俾朋友。离开个阵已换上晚餐餐牌，唔算贵。