鳴橋燒肉料理 (已結業)

日式烧烤，仲要任食，系晚饭时间见到呢间，就即刻入左去 侍应放左烧烤纸，加油，开始！见到加多四十蚊可以食羊架、鱼生，唔洗谂即刻加左，因为真系好肚饿 绝对无失望。冇因为任食而水准差，一样样样都好新鲜，三文鱼、带子肥美鲜甜，最中意马刀贝，竟然都可以任食！ 海鲜令人食指大动！大虾加小小盐已经好带得出鲜味 熟左嘅海鲜同样出色炸物一定要叫，有好难得可以供应嘅小甜薯 重头戏：肉类！加四十蚊真系明智嘅决定，最中意个牛肉粒，不但烧完好juicy，流出黎嘅肉汁沾上其他食物令佢地更好食，牛嘅油脂真系最好嘅调味料 羊架任食！羊味中挺，但肉质够滑 最后！粟米、脆玉瓜等嘅蔬菜类系惊艳！粟米唔知系预先有牛油上左定系牛肉粒烧出黎嘅油脂沾左上去，好甜好香！脆肉瓜加少少盐烧一烧佢即刻劲juicy，唔洗成晚都比肉包围嘅，蔬菜类都好值得叫！