利苑酒家 (圓方)

营业中

休息中

隔咗好耐冇写食评，呢一篇食评我好想写好耐㗎喇，但系一直都冇时间。今次系我第二次去利苑食饭， 因为上次食过真系好好食，所以今次就去圆方呢一间试下顺便同朋友聚会。 先叫咗个汤，个汤煲得火喉刚刚好，之后头盘叫咗个烧肉，烧肉皮薄香脆 ，再叫咗一只大蟹谂住一蟹三食, 只蟹一上碟就已经知好足重同好新鲜。其中只蟹盖攞咗嚟做焗饭味道口感一流。另外下面蟹脚就攞出嚟踩到避风塘炒蟹，师傅手势一流炒到只蟹好香，完全感受到系大师级嘅作品。叫咗一个菜，一个象拔蚌汤面，佢本身个汤底都好一流，象拔蚌面个汤其实上次都已经试过，真系好鲜甜好好味，再配埋象拔蚌弹牙可口，所有嘢配合得刚刚好。值得一赞系个小笼包,食落皮薄多汤汁，一睇就已经知师傅手势一流。今次聚会同同事好耐冇见所以特登叫做啲高级材料其中一样就系叫咗个和牛，和牛一睇就已经知师傅手势一流，佢烧到个和牛恰到好处, 啖啖都系牛肉嘅浓香, 肉汁锁起晒系啲肉里面， 师父应该有番咁上下功力先可以做到。 最后忍唔住问咗侍应，原来师傅姓袁， 袁师傅畀个like你。