影片
更多
2020-06-07
649 浏览
其实前后都帮衬左5次，次次食完都好满足捧住个肚走，所以先上黎写返篇食后感。食物质素：🌟🌟🌟🌟🌟牛扒：我次次都拣哥士牛扒，食左4次180g ($78)，最后个次拣左300g ($118)，佢会帮你烧3成熟就送餐俾你，你想食几成熟就自己慢慢烧，最大感受觉得佢求其(可能好讲究我唔识)烧3成俾你，旧牛到我手我再点烧都又好味又juicy，我食开5成，烧到外面变色，入面粉红色就岩岩好，我自己系屋企用心煎都煎唔到呢个效果T_T。因为黎呢度食牛除左俾钱买左个牛之外，佢仲有好多配菜自助形式任你食，包括：1.珍珠饭饭米粒粒烟韧弹牙，都几似去日本旅行餐厅食个种净系食白饭都觉得好味既感觉，仲有紫菜芝麻饭素&粟米粒任你加。2. 沙律好欣赏个椰菜丝沙律，我去日本食吉烈猪扒饭某程度上都系因为佢地个超新鲜椰菜沙律配柚子汁，呢间牛扒店竟然都提供到，同埋都几新鲜爽脆，仲要有埋几种日式酱汁，当然我一定会拣我最爱既柚子汁，酸酸甜甜超开胃，仲有车厘茄同埋粟米任加。3. 牛肉罗宋汤个汤有好浓既牛肉味，好好饮，因为佢真系好足料，捞到煲汤入面有好多牛肉，有d有成1/4-1/2件牛扒咁大，仲有红萝卜，如果你大食可以捞多d牛黎食，同埋食
食物质素：🌟🌟🌟🌟🌟
牛扒：
我次次都拣哥士牛扒，食左4次180g ($78)，最后个次拣左300g ($118)，佢会帮你烧3成熟就送餐俾你，你想食几成熟就自己慢慢烧，最大感受觉得佢求其(可能好讲究我唔识)烧3成俾你，旧牛到我手我再点烧都又好味又juicy，我食开5成，烧到外面变色，入面粉红色就岩岩好，我自己系屋企用心煎都煎唔到呢个效果T_T。
因为黎呢度食牛除左俾钱买左个牛之外，佢仲有好多配菜自助形式任你食，包括：
1.珍珠饭
饭米粒粒烟韧弹牙，都几似去日本旅行餐厅食个种净系食白饭都觉得好味既感觉，仲有紫菜芝麻饭素&粟米粒任你加。
2. 沙律
好欣赏个椰菜丝沙律，我去日本食吉烈猪扒饭某程度上都系因为佢地个超新鲜椰菜沙律配柚子汁，呢间牛扒店竟然都提供到，同埋都几新鲜爽脆，仲要有埋几种日式酱汁，当然我一定会拣我最爱既柚子汁，酸酸甜甜超开胃，仲有车厘茄同埋粟米任加。
3. 牛肉罗宋汤
个汤有好浓既牛肉味，好好饮，因为佢真系好足料，捞到煲汤入面有好多牛肉，有d有成1/4-1/2件牛扒咁大，仲有红萝卜，如果你大食可以捞多d牛黎食，同埋食过长沙湾个间三拍子牛，都一样系有牛肉汤任饮，但都几骚，我以为牛肉汤一定会骚，呢间无，我会饮两碗或以上。
4. 饮品
有水同青柠特饮任饮，青柠特饮唔错，食牛我会饮青柠，食完就饮清水过口。
食物总结：
我都唔算细食，次次食180g，旧牛唔大唔细，但加埋其他食到停唔到既side dish 我真系投降，试过一次庆起拣300g，钟意食牛真系会好满足，但其他side dish都只可以点到即止，有d意犹未尽既感觉，但望住300g旧牛我同朋友都不断哗哗声，$118咁x大旧真系超抵食。
温馨提示
牛扒上台最好揾只碗装起旧牛，食几多就切几多摆落块板上面烧，否则边倾边食都几易烧过龙。
180g 一个人专心食唔停都可以唔洗装起
180g 边倾边食要装起
300g专心食都一定要装起！
我食得算快，以上心得供大家参考
环境：🌟🌟🌟🌟🌟
望落都几干净卫生，冷气都
够凉，座位好似30-40，唔算好迫，可能因为店铺位置唔算核心旺区，食饭时间去未试过等超过10分钟，张台几日式细size但足够摆哂牛扒同配菜加少少私人物品如银包电话口罩etc
服务态度：🌟🌟🌟🌟🌟
店员都好nice，主动帮忙，我食300g个次同朋友都各换两次石板，店员都好快手即刻换
缺点
其实都无野好挑剔，如果差我都唔会疯狂回头，硬要挑既话，就系位置唔算就脚，但就脚就一定多人等到晕你懂的
另外一样想讲下，入座之后旧牛上台真系好迅速(可能因为只烧3成)，所以每次我同朋友已经分工合作拎紧各样side dish时旧牛已经系台面上面等紧我地去食佢，埋位时成台都系正野，又怕旧牛会开始摊冻，但又好想食几口side dish，有时都几茅盾，不过讲到尾，上菜迅速都一定系优点，逐个客问系咪想即刻上旧牛好似会更混乱。
总结：
抵食，好好味，次次都特登揸车入元朗食，疯狂介绍俾朋友，强烈推介👍🏻👍🏻👍🏻
张贴