家全七福 (H Zentre)

营业中

休息中

-餐厅装修，高贵大方，餐厅热闹但空间感十足，实属名人饭堂-头盘：炒牛柳粒陪蒜片，蒜片香脆，牛柳粒熟度烹调恰到好处，甜甜嘅烧汁配上自家制新鲜香脆嘅蒜片，相映成趣。-蔬菜：蟹肉扒时疏，蔬菜系西兰花，满满嘅蟹肉包住大大粒嘅西兰花，完全食到海鲜嘅鲜味。小菜： 鱼香茄子煲，肉松被咸香味包围，而茄子轻轻走油，吸收晒全部汁嘅精华配上浓辣惹味的酱汁，锦上添花。主菜：七福脆皮鸡 ，鸡肉烧得外脆内软，唔会太熟，鸡肉非常滑。鸡皮香口，配上淮盐同柠檬汁，呢个组合非常之清新。主食：荷叶饭好足料，肉粒配上蛋加上沾满酱汁嘅饭被荷叶满满咁包住，将个荷叶一拆开，香气飘逸。甜品：合桃露，合桃嘅香气已经洋溢四周，口感好香滑，可以看得出师傅嘅工架。