影片
更多
2024-07-13
49 浏览
呢期喺马鞍山出没多，见到有间新开嘅台式火锅店系一人一锅，即是入去试吓啦。其实我自己本人都几钟意一人一锅，因为可以唔使迁就人哋嘅口味。而且任食嘅台式火锅最重要系有靓牛，又有唔同嘅台式小食俾你嗌到一枱都系，呢一种满足感真系不得了。我哋叫咗$339嘅餐，可以拣嘅牛其实都超过五六种，当中有几款我自己觉得比较出色，有其中款系200日谷饲牛同澳洲纯和牛。前者牛比较腍身，中间有少少大理石纹嘅肥，所以我比较钟意呢种口感。而后者见到会比较瘦少少，所以直落都会比较有口感啲，但系牛味都几出，系唔错嘅选择。另外仲有呢度嘅封门柳系薄切，因为其他地方食到嘅风门楼都系一条条或者厚切，切食落嘅口感同平时食到嘅又唔同，会变咗头先介绍𠮶两款嘅中间。另外除咗牛之外，佢呢度嘅猪都令我好有惊喜。因为好有猪味之余又真系好腍，令我赞不绝口。除咗肉类之外，其实佢都有唔少海鲜类嘅选择。其中我拣咗海虾，带子，八爪鱼仔，大八爪鱼须，另外最特别嘅系竟然有濑尿虾可以嗌。然后佢呢度嘅丸滑类有一样超特别嘅嘢就系红肉火龙果虾滑，佢外边系一层尖椒包住，所以佢个味道都几独特。另外都有普通嘅墨鱼滑，而佢啲画其实真系超级弹牙。另外仲有超长芝士蟹柳添。除咗火
其实我自己本人都几钟意一人一锅，因为可以唔使迁就人哋嘅口味。而且任食嘅台式火锅最重要系有靓牛，又有唔同嘅台式小食俾你嗌到一枱都系，呢一种满足感真系不得了。
我哋叫咗$339嘅餐，可以拣嘅牛其实都超过五六种，当中有几款我自己觉得比较出色，有其中款系200日谷饲牛同澳洲纯和牛。前者牛比较腍身，中间有少少大理石纹嘅肥，所以我比较钟意呢种口感。而后者见到会比较瘦少少，所以直落都会比较有口感啲，但系牛味都几出，系唔错嘅选择。
另外仲有呢度嘅封门柳系薄切，因为其他地方食到嘅风门楼都系一条条或者厚切，切食落嘅口感同平时食到嘅又唔同，会变咗头先介绍𠮶两款嘅中间。
另外除咗牛之外，佢呢度嘅猪都令我好有惊喜。因为好有猪味之余又真系好腍，令我赞不绝口。
除咗肉类之外，其实佢都有唔少海鲜类嘅选择。其中我拣咗海虾，带子，八爪鱼仔，大八爪鱼须，另外最特别嘅系竟然有濑尿虾可以嗌。
然后佢呢度嘅丸滑类有一样超特别嘅嘢就系红肉火龙果虾滑，佢外边系一层尖椒包住，所以佢个味道都几独特。另外都有普通嘅墨鱼滑，而佢啲画其实真系超级弹牙。另外仲有超长芝士蟹柳添。
除咗火锅料之外，佢呢度仲有唔少嘅台式小食我想讲佢呢度嘅台式小食真系好出色唔会因为佢系火锅店而令到小食失水准。佢嘅莲藕墨鱼饼真系超级弹，又唔会炸过龙而太干身。而最最最最最欣赏嘅系佢啲牛肚牛腩同埋牛筋因为真系炆到超级无敌劲腍，而佢个卤水汁仲要辣辣地真系超惹味。
蔬菜呢就可以出去自己拎嘅咁我见佢啲蔬菜类都好新鲜，而且仲会不断refill，真系食几多都有得俾你食啊。
饮品方面除咗一啲罐装饮品之外，佢哋仲好抌本咁台式饮品都可以任饮。而你唔好以为佢俾你任饮就冲得好马虎，绝对唔系呢一回事。呢一杯嘢饮系你平时出去买台式饮品嘅质素唔会因为任饮而淡咗或者唔好饮。我叫咗呢杯百香果三重奏入边有唔同嘅配料，包括椰果寒天同埋百香果肉，而佢个茶底都好香，百香果都系新鲜果肉打落去，真系落重本㗎。
佢呢度仲有啤酒任饮，而最得意嘅系你落咗order之后佢会比一只杯你自己去斟。而佢部啤酒机仲要系自动帮你斟埋泡添。除咗有Premium啤酒之外，仲有黑啤俾你拣，真系一次过满足晒唔同人嘅欲望啊。
至于甜品方面，佢嘅选择就比较少。只系得呢款桃胶雪耳鲜奶，我第一次食呢款又过得几惊喜，因为佢个鲜奶甜甜地，再配埋桃胶雪耳成件事觉得好滋阴。
钟意食冻嘅甜品，就可以选择佢哋嘅雪糕。又系俾你自由斟，佢唔系普通𠮶啲雪糕，而我觉得似雪葩多啲食落唔会咁肥添。
张贴
