影片
更多
2023-08-22
1037 浏览
成日听同事讲无老锅好食，今日终于有机会去试一试。餐厅位于食店林立嘅登龙街，上楼一出䢂就觉得间餐厅好有格调，接待处以中药柜为设计, 贯彻餐厅养生嘅主题，好有巧思。一入座店员就送上一壸柠檬蜂蜜热茶，淡淡嘅柠檬香味，非常清新。我哋拣咗个鸳鸯锅，一边系面包豆腐锅，一边系无老辣香锅。个豆腐锅肉眼睇有姜、红枣、蒜头等配料，汤底呈浓浓嘅乳白色，有淡淡嘅药材香味，相信用咗唔少食材去熬制。未落配菜前我哋先饮咗碗汤，味道非常浓郁，系商场吹咗阵冷气冻冻地，一碗汤落肚真系成个身暖晒，冬天饮一定会更正。个辣香锅唔会好辣亦唔油腻，阵阵麻香中药材味，两种汤底两种享受，无得顶配菜方面我哋叫咗牛小排拼去骨鸡髀肉同一碟鲜甜蔬菜盘。牛小排肥瘦均匀，不柴不腻，牛味十足，鸡髀肉新鲜嫩滑无雪味。至于蔬菜盘就有生菜、粟米、木耳等，款款都鲜甜爽口，实为健康之选。原本以为三个人叫两个配菜会唔够食，但系由于鸭血豆腐系可以无限添加，店员亦都招呼周到加得好密，所以都食到好饱不过唔好以为无限添加就系一般货色，其实两样食材都好高质，豆腐嫩滑，索晒啲汤既精华，超正！鸭血完全唔腥，滑溜弹牙，忍唔住食咗好多块另外无饭不欢嘅朋友亦都唔需要担心，呢度有免
餐厅位于食店林立嘅登龙街，上楼一出䢂就觉得间
餐厅好有格调，接待处以中药柜为设计, 贯彻餐厅养生嘅主题，好有巧思。
一入座店员就送上一壸柠檬蜂蜜热茶，淡淡嘅柠檬香味，非常清新。
我哋拣咗个鸳鸯锅，一边系面包豆腐锅，一边系无老辣香锅。个豆腐锅肉眼睇有姜、红枣、蒜头等配料，汤底呈浓浓嘅乳白色，有淡淡嘅药材香味，相信用咗唔少食材去熬制。未落配菜前我哋先饮咗碗汤，味道非常浓郁，系商场吹咗阵冷气冻冻地，一碗汤落肚真系成个身暖晒，冬天饮一定会更正。个辣香锅唔会好辣亦唔油腻，阵阵麻香中药材味，两种汤底两种享受，无得顶
配菜方面我哋叫咗牛小排拼去骨鸡髀肉同一碟鲜甜蔬菜盘。牛小排肥瘦均匀，不柴不腻，牛味十足，鸡髀肉新鲜嫩滑无雪味。至于蔬菜盘就有生菜、粟米、木耳等，款款都鲜甜爽口，实为健康之选。
原本以为三个人叫两个配菜会唔够食，但系由于鸭血豆腐系可以无限添加，店员亦都招呼周到加得好密，所以都食到好饱不过唔好以为无限添加就系一般货色，其实两样食材都好高质，豆腐嫩滑，索晒啲汤既精华，超正！鸭血完全唔腥，滑溜弹牙，忍唔住食咗好多块另外无饭不欢嘅朋友亦都唔需要担心，呢度有免费白饭供应
烚到尾声店员仲送上一客炸芋圆同水蜜桃沙冰，意想不到嘅锅后甜品为呢一餐画上完美句号。
食完呢一餐好满足，呢间台式火锅真心高质，同事果然无介绍错，难怪可以由台湾红到黎香港。另外特别值得一赞既系店员殷勤有礼既服务态度，为我哋整个用餐体验加分不少
张贴
