串カツ専門店

营业中

休息中

有个成日去日本既朋友推介，睇一睇menu发现唔太贵，而且comment都好好，就book即晚食。舖入面大部分职员都系日本人，而家客人都有6至7成系日本人，就觉得好有信心。而家系ipad落单，但系有d是日之选就写系黑板，店员都有讲解清楚。首先，讲吓必食嘅炸串，炸粉厚薄适中，而且炸得啱啱好，油到好肯定好新鲜，完全冇油益味，酱汁同炸串非常夹，但又唔会抢左食物本身既味道，真系100分。今次叫左黑毛和牛、多春鱼、红薯、南瓜、大虾、明太子狮子狗、炸豆腐、金菇猪肉卷、日本鸡蛋猪肉卷，全部都好好食，冇一样失望。主食叫左个腐皮乌冬，听落好普通，但佢整得好好，由汤同腐皮到海带同葱都超高质。最后当然系大阪代表美食章鱼仙同芝士章鱼仙。前者有虾片，后者有芝士同明太子酱夹住食，好夹又有特色。而且，呢度嘅章鱼仙都几贴近香港人好味。期待下次试下牛肠锅，一定会再帮衬！