塚田農場

营业中

休息中

唔理天气冻冻定系夏日炎炎，打边炉就系聚餐好去处～更何况呢间餐厅仲可以睇到维多利亚港嘅美景，一边打边炉一边望住美景，简直系人生一大享受😌✨美人滋锅御膳汤底鲜香浓郁，奶白色嘅颜色饮起嚟就知已经经过好耐嘅熬煮先得到嘅精华，涮住和牛同豚肉片，更加鲜味！和牛有住靓嘅大理石纹理，切得厚薄适中，放入滚汤嘅鸡汤锅底几秒就够，食落去鲜嫩多汁，肉味十足！豚肉都要重点讲下，我最惊就系有猪骚味嘅肉片，但系呢个一点腥味都冇，反而仲带住甜味，肉香醇厚！满口嘅肉香味根本就唔难咀嚼，可以话系入口即化！打边炉点少得配菜：✨美人锅蔬菜盛盒食腻咗肉片，我哋就开始摆落蔬菜，蔬菜拼盘嘅花样丰富，各种时蔬睇落就好新鲜😍✨美人卷盛盒三种唔同种类嘅刺身包裹喺米纸，蘸上酱汁入口非常清爽！吞拿鱼、海老同三文鱼都非常新鲜，再加上牛油菜同青瓜，食起嚟爽脆可口，一点都唔油腻😋✨油渍生蚝生蚝卖相就已经好诱人，超肥美嘅蚝肉，肉质饱满而且奶油味浓郁，好juicy！✨明太子年糕薄饼好特别嘅披萨，年糕饼皮食起嚟软软糯糯嘅，上面仲铺满咗芝士沙律仲有明太子，有少少辣但系唔影响我哋对呢个特色料理嘅钟意🥰🥰